Kakani Khabar add
Kakani Khabar add
Kakani Khabar add

‘जनप्रतिनिधिसँग विद्यार्थी’ कार्यक्रम सम्पन्न, विद्यार्थीका समस्या र सुझाव संकलन

Main News Image
Kakani Khabar add

नुवाकोट । विदुर नगरपालिका वडा नं ५, देवीघाटमा ‘जनप्रतिनिधिसँग विद्यार्थी’ कार्यक्रम भव्य रूपमा सम्पन्न भएको छ ।

विदुर नगरपालिका वडा नं ३, ५ तथा वडा नं १२ को बिरेन्द्र माध्यमिक विद्यालयका प्रतिनिधि विद्यार्थीहरूको सहभागितामा सम्पन्न कार्यक्रममा विद्यार्थीहरूले नगर जनप्रतिनिधिहरूसमक्ष आफ्ना सुझाव, अपेक्षा तथा गुनासाहरू प्रस्तुत गरेका थिए ।

विद्यार्थीहरूले विद्यालयमा माध्यमिक तहका लागि दिवा खाजा कार्यक्रम आवश्यक रहेको, कम्प्युटर तथा विज्ञान प्रयोगशालाको अभाव रहेको, खेलमैदानलाई थप व्यवस्थित बनाउनुपर्ने माग तथा सुझाव राखेका थिए । साथै विद्यालय बस सेवाको विस्तार, हालको बस संख्या अपुग रहेको र विद्यार्थी संख्याअनुसार शिक्षक दरबन्दी अपर्याप्त रहेको विषयमा पनि गम्भीर ध्यानाकर्षण गराएका थिए ।

कार्यक्रममा उठाइएका प्रश्न, जिज्ञासा तथा सुझावहरूलाई नगरप्रमुख राजन श्रेष्ठ, उपप्रमुख प्रभा बोगटी, प्रमुख प्रशासकीय अधिकृत सुभाकर पौडेल, सामाजिक विकास समितिका संयोजक तथा वडा नं १ का अध्यक्ष लेनिन रञ्जित, वडा नं ५ का अध्यक्ष लिलानाथ न्यौपाने र शिक्षा शाखा प्रमुख नमराज सापकोटाले सम्बोधन गर्दै आवश्यक विवरण संकलन गरिएको थियो ।

नगरप्रमुख श्रेष्ठले आगामी आर्थिक वर्षमा नगरभित्रका सम्पूर्ण सामुदायिक विद्यालयलाई अनुदान उपलब्ध गराइने जानकारी दिनुभयो । उहाँका अनुसार नीति तथा कार्यक्रममार्फत बजेट विनियोजन गरी विद्यालयको आवश्यकताका आधारमा शैक्षिक विकासका क्षेत्रमा खर्च गर्न सकिने व्यवस्था मिलाइनेछ ।

कार्यक्रममा शहीद जगतप्रकाशजंग शाह संस्कृत माध्यमिक विद्यालय व्यवस्थापन समितिका अध्यक्ष मानबहादुर डंगोल, प्रअ मञ्जु चित्रकार सहित विभिन्न विद्यालयका शिक्षक प्रतिनिधिहरूको समेत सहभागिता रहेको थियो ।

Kakani Khabar add

सम्बन्धित खबर

मनसुनजन्य विपद्प्रति उच्च सतर्कता अपनाउन प्राधिकरणको आग्रह

काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले मनसुन अवधिभर बाढी, पहिरो, कटान, डुबान, चट्याङ तथा सर्पदंशजस्ता विपद्को जोखिम उच्च रहने भएकाले विशेष सावधानी अपनाउन सर्वसाधारणलाई आग्रह गरेको छ ।


प्राधिकरणले जनध...

चालु आर्थिक वर्षको अन्तिम दिनसम्म ७८ प्रतिशत बजेट खर्च

काठमाडौँ । चालु आर्थिक वर्ष २०८२/८३ मा सरकारले कुल विनियोजित बजेटको ७८ प्रतिशत मात्र खर्च गरेको छ । 


अन्तिम दिन हिजो असार २४ गतेसम्म सरकारले १९ खर्ब ६४ अर्ब ११ करोड रुपैयाँको बजेटमध्ये १५ खर्ब ३१ अर्ब ९७ करोड १५ लाख रुपैयाँ म...

सशस्त्र प्रहरीको महानिरीक्षकमा नारायणदत्त पौडेल नियुक्त

काठमाडौँ । सशस्त्र प्रहरी अतिरिक्त महानिरीक्षक (एआईजी) नारायणदत्त पौडेल महानिरीक्षक (आईजीपी) मा बढुवा हुनुभएको छ ।


मन्त्रिपरिषद्को आज बसेको बैठकले अहिले प्रशासन तथा मानव स्रोत विभाग प्रमुख रहेका पौडेललाई महानिरीक्षकमा बढुवा गरेको...

नेपाल टेलिकमको हराएको सिम अनलाइनबाटै पुनःप्राप्त गर्न सकिने

काठमाडौँ । नेपाल टेलिकमको हराएको वा बिग्रेको सिमकार्डको सट्टामा नयाँ सिम अनलाइनमार्फत प्राप्त गर्न सकिने सेवा सञ्चालनमा आएको छ ।


डिजिटल सेवा विस्तार, सेवा प्रवाहलाई सहज बनाउने र ग्राहकमैत्री प्रणाली विकास गर्ने उद्देश्यअनुसार यो स...

दुई दाजुभाइ हत्या गरिएको अवस्थामा शव फेला

त्रिशूली (नुवाकोट), ३० वैशाख : यहाँको म्यागङ गाउँपालिका–४ किम्ताङमा दुई दाजुभाइको हत्या गरेर खोलामा लुकाएको अवस्थामा आज शव फेला परेको छ ।


जिल्ला प्रहरी कार्यालयका प्रहरी नायब उपरीक्षक बिक्रम लामाका अनुसार किम्ताङबेँसी निवासी ४३ वर...

मध्य र पश्चिम नेपालमा वर्षाको क्रम बढ्दै जाने पूर्वानुमान

काठमाडौँ । मौसमविद्ले आगामी केही दिन मध्य र पश्चिम नेपालमा वर्षाको क्रम क्रमशः बढ्दै जाने पूर्वानुमान गरेका छन् ।


जल तथा मौसम विज्ञान विभागका मौसमविद् सञ्जीव अधिकारीले सोमबार र मङ्गलवारको तुलनामा बुधवार वर्षामा केही कमी आए पनि बिह...