मुस्ताङमा सशस्त्र प्रहरी बलले समातेका ‘बीवाइडी’ गाडी फुकुवा
-
ककनी खबर
- मङ्गल, ०२ असार २०८३
काठमाडौँ । मुस्ताङमा दुई हप्तादेखि सशस्त्र प्रहरीले समातेका ‘बीवाइडी’ कम्पनीको चिनियाँ विद्युतीय गाडी फुकुवा गरिएको छ ।
सशस्त्र प्रहरी बल नेपालले जोमसोम र कोरला नाकामा नियन्त्रणमा लिइएका ती गाडी अस्ति आइतबार बेलुकादेखि फुकुवा गरेको सशस्त्र प्रहरी बल नेपाल ३३ नं गुल्म जोमसोमले जनाएको छ । सशस्त्र प्रहरी बल नेपाल ३३ गुल्मका सशस्त्र प्रहरी नायब उपरीक्षक भेषराज गिरीले ती गाडीलाई सम्बन्धित पक्षको जिम्मा लगाइएको जानकारी दिनुभयो । सशस्त्र प्रहरी बलको केन्द्रीय निर्देशनअनुसार फुकुवा गरिएको उहाँको भनाइ छ ।
मुस्ताङको उत्तरी कोरलानाका हुँदै गएको जेठको दोस्रो र तेस्रो हप्तामा बीवाइडी कम्पनीका ७ सय ७५ विद्युतीय गाडी नेपाल भित्रिएका थिए । ती मध्ये ६४९ वटाको मुस्ताङ भन्सार कार्यालय नेचुङले भन्सार जाँच पास गरेको जनाइएको छ । कोरला नाकाबाट भित्रिएका ती गाडीको पैठारी प्रक्रियामा कैफियत हुनसक्ने आशङ्कामा सशस्त्र प्रहरी बलले नियन्त्रणमा लिएको थियो ।
साइमन ईंकले खरिद गरी कोरला नाकाबाट ती सबै विद्युतीय गाडी नेपाल भित्र्याएको थियो । कैफियत रहे÷नरहेको यकिन गर्न अर्थ मन्त्रालयले भन्सार विभाग, नीति तथा सञ्चालन महाशाखाअन्तर्गतको मूल्याङ्कन शाखा प्रमुख रहेका निर्देशक भुपालराज शाक्यको संयोजकत्वमा तीन सदस्य छानबिन समिति गठन भएको थियो ।
छानबिन समितिको टोलीले गएको जेठ २१ मा कास्की, पर्वत र मुस्ताङको जोमसोम र कोरला नाकामा सशस्त्र प्रहरीले नियन्त्रणमा लिइएका गाडीको स्थलगत अनुगमन गरी अनुसन्धान गरेको थियो । समितिको प्रारम्भिक प्रतिवेदनअनुसार कोरला नाकाबाट नेपाल भित्रिएका विद्युतीय गाडीमा कैफियत फेला नपरेको प्रारम्भिक निष्कर्ष छ ।
सम्बन्धित खबर
दुई दिन उच्च सतर्कता अपनाउन विपद् प्राधिकरणको आग्रह
काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले आज र भोलि दुई दिन देशका विभिन्न क्षेत्रमा अत्यधिक वर्षाको सम्भावना रहेकाले उच्च सतर्कता अपनाउन सर्वसाधारण तथा सम्बन्धित निकायलाई आग्रह गरेको छ ।
मौसम पूर्वानुमा...
बागमती प्रदेशप्रमुखद्वारा दुई विधेयक प्रमाणीकरण
मकवानपुर । बागमती प्रदेश प्रमुख दीपकप्रसाद देवकोटाले प्रदेशसभाको हालैको बैठकबाट पारित भएका दुई वटा आर्थिक विधेयक प्रमाणीकरण गर्नुभएको छ ।
प्रदेश प्रमुख देवकोटाले ‘प्रदेश सञ्चित कोषबाट रकम विनियोजन र खर्च गर्ने सम्बन्धमा व्यव...
सुनको भाउ आज तोलामा ७ हजार ४०० सय रुपैयाँले बढ्यो
काठमाडौँ । आज पनि सुनचाँदीको भाउ बढेको छ । सुन आज तोलामा सात हजार ४०० र चाँदी १०० रुपैयाँले बढेको हो ।
नेपाल सुनचाँदी व्यवसायी महासङ्घका अनुसार आज सुनको भाउ तोलामा दुई लाख ९७ हजार ६०० र चाँदीको चार हजार ९४५ रुपैयाँ पुगेको छ...
मतदाता नामावली सङ्कलन तथा अद्यावधिक कार्यक्रम भोलिदेखि पुनः शुरू हुँदै
काठमाडौँ । निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलिदेखि पुनः सञ्चालन गर्दैछ । आयोगको यही चैत १८ गतेको बैठकले मतदाता नामावली सङ्कलन तथा अद्यावधिक कार्यक्रम पुनः थाल्ने निर्णय गरेको हो ।
राष्ट्रिय परिचय...
नेपाल टेलिकमको हराएको सिम अनलाइनबाटै पुनःप्राप्त गर्न सकिने
काठमाडौँ । नेपाल टेलिकमको हराएको वा बिग्रेको सिमकार्डको सट्टामा नयाँ सिम अनलाइनमार्फत प्राप्त गर्न सकिने सेवा सञ्चालनमा आएको छ ।
डिजिटल सेवा विस्तार, सेवा प्रवाहलाई सहज बनाउने र ग्राहकमैत्री प्रणाली विकास गर्ने उद्देश्यअनुसार यो स...
ढुङ्गाना र शाह 'उत्कृष्ट कर्मचारी'को रुपमा सम्मानित
बाघखोर । नुवाकोटको बेलकोटगढी नगरपालिकामा कार्यरत उज्वल ढुङ्गाना र सोनुकुमार शाह उत्कृष्ट कर्मचारीको रुपमा सम्मानित हुनुभएको छ । नगरपालिकाको दोश्रो अधिवेशनको आठौँ नगरसभाको अवसर बनाई पछिल्लो एक आर्थिक वर्षको अवधिमा...