Kakani Khabar add
Kakani Khabar add
Kakani Khabar add

शान्ति बजारमा आगलागी, करीब ७० लाख रुपैयाँको धनसम्पत्ति क्षति

Main News Image
Kakani Khabar add

नुवाकोट । किस्पाङ गाउँपालिका वडा नं ५ शान्तिबजारमा सोमबार राती लागेको आगलागीले करीब ७० लाख रुपैयाँ बराबरको धनसम्पत्ति जलेर नष्ट भएको छ । सोमबार राती करीब १० बजेको समयमा विपना घलेको घरमा आगलागी हुदाँ उहाँले सञ्चालन गर्दै आएको पसलमा रहेका सरसामाग्रीहरु, नगद रुपैयाँ सहितको धनमाल जलेर नष्ट भएको हो ।

जिल्ला प्रहरी कार्यलय नुवाकोटका प्रहरी नायव उपरीक्षक इकबाल हवारीको अनुसार रातको समयमा घरधनी विपना घले आफ्नो बालबच्चाहरु सहित निदाएको अबस्थामा उहाँले सञ्चालन गर्दै आएको पसलबाट सुरु भएको आगलागीले पसल सहित घरमा रहेको धनसम्पत्ति जलेर पूर्ण रुपमा नष्ट भएको छ ।

आगो लागे लगत्तै स्थानीयबासी, प्रहरी सहित विदुर नगरपालिकाको दमकलको प्रयोग गरेर करीब दुईघण्टाको प्रयासमा नियन्त्रणमा लिएपनि विपना घलेको घर र उहाँले सञ्चालन गर्दै आएको पसलको सामाग्रिहरु जलेर नष्ट भएको छ । सटर बन्द गरिएको पसलभित्रबाट आगो सुरु भएकाले आगलागीको कारण विद्युतीय गढबढीबाट हुनसक्ने प्रहरीले अनुमान गरेको छ ।

आगलागीमा परेर पसलमा रहेको नगद करीब ६ लाख रुपैयाँ सहित विपना घलेको भएभरको धनसम्पत्ति सोमबार राती छिनभरमा नै क्षति भएको हो ।

एकल महिला र नाबालक बालबच्चाको साथमा ब्यावसाय गरेर जीवन गुजार्दै आउनुभएका उहाँ अहिले घरबार बिहीन अबस्थामा पुग्नुभएको छ । आगलागीबाट ढलान गरिएको घरका सिमेन्टहरु समेत जलेर रड देखिएसगँ प्रवलिकरण गर्नुपर्ने भएको छ ।

घर र पसलको सरसामाग्रि, लत्ताकपडा, भाडावर्तन सहितका सामानहरु जलेर नष्ट भएसगैँ नाबालक बालबच्चा हुर्काउदै आउनुभएका उहाँले आफ्नो भएभरको सम्पत्ति सकिएकाले सहयोगको लागी सरकारी निकाय एंव दाताहरुसंग आब्हान गर्नुभएको छ । उहाँले वडा नं ५ को कार्यालय, किस्पाङ गाउँपालिकाको कार्यालय, जिल्ला प्रशासन कार्यालय नुवाकोट र प्रहरी कार्यालय नुवाकोटमा निवेदन दिएर राहत तथा सहयोगको अपिल गर्नुभएको हो ।

आफन्त एंव स्थानीय समाजसेवीहरुको सहयोगमा उहाँको परिवारलाई तत्कालै राहत एंव सहयोग सामाग्रि जुटाउनको लागी सम्बन्धित निकाय एंव दाताहरुसंग पहल थालिएको निलकण्ठ माध्यमिक विद्यायलका शिक्षक गणेश श्रेष्ठले जानकारी दिनुभयो ।

Kakani Khabar add

सम्बन्धित खबर

तारकेश्वर गाउँपालिकाको सबै वडामा ‘अध्यक्षसँग ज्येष्ठ नागरिक कार्यक्रम’ सम्पन्न

नुवाकोट । तारकेश्वर गाउँपालिकाले सोमबारदेखि सुरु गरेको आर्थिक वर्ष २०८२/०८३ को तेस्रो त्रैमासिक सामाजिक सुरक्षा भत्ता (वृद्धभत्ता) वितरण, निःशुल्क स्वास्थ्य परीक्षण, औषधी तथा परामर्शसहितको ‘गाउँपालिका अध्यक्षसँग ज्येष्ठ नागरिक कार्यक्रम’ शुक्रबार...

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपाल...

लिखुमा एकैसाथ १६ विधाका सिपमूलक तालिम सुरु, ५०० भन्दाबढीको सहभागिता

चौघडा । नुवाकोटको लिखु गाउँपालिका मा महिला लक्षित सिपमूलक कार्यक्रम अन्तर्गत एकैसाथ १६ वटा विभिन्न विधाका सिपमूलक तालिम सुरु गरिएको छ ।

राष्ट्रिय योजना आयोगको विशेष अनुदान अन्तर्गत गाउँपालिकाको आर्थिक सहयोगमा सञ्चालनमा ल्याइएको उक्त तालिम का...

नुवाकोटको लिखु गाउँपालिकाले संस्थागत विद्यालयहरूको शुल्क निर्धारण गर्‍यो

नुवाकोट । लिखु गाउँपालिका शिक्षा शाखाले गाउँपालिका भित्र सञ्चालनमा रहेका संस्थागत विद्यालयहरूको लागि शुल्क निर्धारण गरेको जनाएको छ ।

पालिकाले तोकेको शुल्कभन्दा बढी रकम असुल गरेको पाइएमा वा पालिकाबाट जारी निर्देशनको अवज्ञा गरेमा सम्बन्धित पक्...

ट्राफिक सप्ताह २०८३ अन्तर्गत नुवाकोटमा १५ चालकको लागू पदार्थ परीक्षण, २ जना पोजिटिभ भेटिए ।


नुवाकोट । जिल्ला ट्राफिक प्रहरी कार्यालय नुवाकोटले मनाइरहेको ‘ट्राफिक सप्ताह २०८३’ को पाँचौँ दिन लागू पदार्थ सेवन (लाप.से.) नियन्त्रण तथा सवारी दुर्घटना न्यूनीकरणलाई लक्षित गर्दै विशेष स्वास्थ्य परीक्षण कार्यक्रम सम्पन्न गरेको छ ।

कांग्रेस संसदीय दल नेता चयन प्रक्रिया वैशाख २ गते शुरू हुने

काठमाडौँ । नेपाली कांग्रेस संसदीय दल नेता चयनको प्रक्रिया वैशाख २ गते शुरू हुने भएको छ ।


दलको नेता चयनका लागि गठित निर्वाचन समिति संयोजक एवम् कांग्रेस सहमहामन्त्री प्रकाश स्नेही रसाइलीकाअनुसार वैशाख २ गते प्रक्रिया शुरू गरेर ४...