Kakani Khabar add
Kakani Khabar add
Kakani Khabar add

शान्ति बजारमा आगलागी, करीब ७० लाख रुपैयाँको धनसम्पत्ति क्षति

Main News Image
Kakani Khabar add

नुवाकोट । किस्पाङ गाउँपालिका वडा नं ५ शान्तिबजारमा सोमबार राती लागेको आगलागीले करीब ७० लाख रुपैयाँ बराबरको धनसम्पत्ति जलेर नष्ट भएको छ । सोमबार राती करीब १० बजेको समयमा विपना घलेको घरमा आगलागी हुदाँ उहाँले सञ्चालन गर्दै आएको पसलमा रहेका सरसामाग्रीहरु, नगद रुपैयाँ सहितको धनमाल जलेर नष्ट भएको हो ।

जिल्ला प्रहरी कार्यलय नुवाकोटका प्रहरी नायव उपरीक्षक इकबाल हवारीको अनुसार रातको समयमा घरधनी विपना घले आफ्नो बालबच्चाहरु सहित निदाएको अबस्थामा उहाँले सञ्चालन गर्दै आएको पसलबाट सुरु भएको आगलागीले पसल सहित घरमा रहेको धनसम्पत्ति जलेर पूर्ण रुपमा नष्ट भएको छ ।

आगो लागे लगत्तै स्थानीयबासी, प्रहरी सहित विदुर नगरपालिकाको दमकलको प्रयोग गरेर करीब दुईघण्टाको प्रयासमा नियन्त्रणमा लिएपनि विपना घलेको घर र उहाँले सञ्चालन गर्दै आएको पसलको सामाग्रिहरु जलेर नष्ट भएको छ । सटर बन्द गरिएको पसलभित्रबाट आगो सुरु भएकाले आगलागीको कारण विद्युतीय गढबढीबाट हुनसक्ने प्रहरीले अनुमान गरेको छ ।

आगलागीमा परेर पसलमा रहेको नगद करीब ६ लाख रुपैयाँ सहित विपना घलेको भएभरको धनसम्पत्ति सोमबार राती छिनभरमा नै क्षति भएको हो ।

एकल महिला र नाबालक बालबच्चाको साथमा ब्यावसाय गरेर जीवन गुजार्दै आउनुभएका उहाँ अहिले घरबार बिहीन अबस्थामा पुग्नुभएको छ । आगलागीबाट ढलान गरिएको घरका सिमेन्टहरु समेत जलेर रड देखिएसगँ प्रवलिकरण गर्नुपर्ने भएको छ ।

घर र पसलको सरसामाग्रि, लत्ताकपडा, भाडावर्तन सहितका सामानहरु जलेर नष्ट भएसगैँ नाबालक बालबच्चा हुर्काउदै आउनुभएका उहाँले आफ्नो भएभरको सम्पत्ति सकिएकाले सहयोगको लागी सरकारी निकाय एंव दाताहरुसंग आब्हान गर्नुभएको छ । उहाँले वडा नं ५ को कार्यालय, किस्पाङ गाउँपालिकाको कार्यालय, जिल्ला प्रशासन कार्यालय नुवाकोट र प्रहरी कार्यालय नुवाकोटमा निवेदन दिएर राहत तथा सहयोगको अपिल गर्नुभएको हो ।

आफन्त एंव स्थानीय समाजसेवीहरुको सहयोगमा उहाँको परिवारलाई तत्कालै राहत एंव सहयोग सामाग्रि जुटाउनको लागी सम्बन्धित निकाय एंव दाताहरुसंग पहल थालिएको निलकण्ठ माध्यमिक विद्यायलका शिक्षक गणेश श्रेष्ठले जानकारी दिनुभयो ।

Kakani Khabar add

सम्बन्धित खबर

कांग्रेसले भीष्मराज आङ्देम्बेलाई संसदीय दलको नेता बनाउने

काठमाडौँ । नेपाली कांग्रेस केन्द्रीय कार्यसम्पादन समितिको बैठकले भीष्मराज आङ्देम्बेलाई पार्टी संसदीय दलको नेता बनाउने सर्वसम्मत निर्णय गरेको छ ।


पार्टी केन्द्रीय कार्यालय सानेपा ललितपुरमा आज बसेको बैठकमा सभापति गगनकुमार थापाको...

वितेको ११ महिनामा ७ लाख भन्दा धेरै पर्यटक मुस्ताङ पुगे

काठमाडौँ ।  वितेको ११ महिनामा ७ लाखभन्दा धेरै पर्यटक बेनी–जोमसोम सडक भएर मुस्ताङ पुगेका छन् । म्याग्दीको सिमानामा पर्ने मुस्ताङको घाँसामा रहेको सीमा प्रहरीचौकीको तथ्याङ्कअनुसार गएको साउनदेखि जेठसम्म ७ लाख ५ हजार ७ सय ५४ जना पर्यटक मुस्ताङ प्र...

बागमती प्रदेशमा करिब १३ प्रतिशत रोपाइँ सम्पन्न

काठमाडौँ । पर्याप्त मात्रामा आकाशे पानी नपरेको र सिँचाइको अभावका कारण यस वर्ष बागमती प्रदेशमा हालसम्म करिब १३ प्रतिशत मात्र रोपाई सम्पन्न भएको छ ।


प्रदेशको कृषि विकास निर्देशनालयको पछिल्लो तथ्यांकअनुसार कूल १ लाख १४ हजार ५२९ दशमलव...

सुनचाँदीको भाउ बढ्यो, सुन तोलाको २ लाख ९० हजार ७०० रुपैयाँमा कारोबार

काठमाडौँ । आज सुनचाँदीको भाउ बढेको छ ।  सुनको भाउ तोलामा ७ हजार २०० रुपैयाँले बढेर  २ लाख ९० हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।


सुनको भाउ हिजो पनि बढेको थियो । हिजो सुनको भाउ त...

आज सुनको भाउ तोलामा ४ हजार ५०० रुपैयाँले घट्यो

काठमाडौँ । आज सुनचाँदीको भाउ घटेको छ । हिजो सोमबार पनि सुनचाँदीको भाउ घटेको थियो । आज सुन तोलामा ४ हजार ५०० रुपैयाँले घटेर तोलाको २ लाख ७७ हजार ९०० रुपैयाँमा झरेको छ ।


हिजो सुनको भाउ तोलामा १ हजार ४०० रुपैयाँले घटेर तोलाको २ लाख ८...

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपाल...