Kakani Khabar add
Kakani Khabar add
Kakani Khabar add

बेलकोटगढीमा युवा लक्षित कार्यक्रम प्राथमिकतामा, २५ जना युवालाई बारिष्ता तालिम

Main News Image
Kakani Khabar add

बाघखोर । नुवाकोटको बेलकोटगढी नगरपालिकाले ‘युवा लक्षित कार्यक्रम’लाई प्राथमिकता दिँदै सिपमूलक तालिम सञ्चालनमा ल्याएको छ । युवालाई शिक्षासँगै व्यवहारिक सिप प्रदान गरी उद्यमशीलतामा जोड दिने उद्देश्यले नगरपालिकाले पहिलो चरणमा २५ जना युवालाई सहभागी गराई बारिष्ता तालिम सञ्चालनमा ल्याएको हो ।

शुक्रबार बेलकोटगढी–७ महादेवफाँटमा नगरप्रमुख जगतबहादुर गुरुङले तालिमको उद्घाटन गर्दै युवालाई शिक्षासँगै सिप सिकाई आत्मनिर्भर र उद्यमी बनाउने लक्ष्यका साथ विभिन्न कार्यक्रम सञ्चालन गर्न लागिएको जानकारी दिनुभयो ।

युवालाई स्थानीयस्तरमै रोजगारी र स्वरोजगारका अवसर सिर्जना गर्ने उद्देश्यले नगरपालिकाले सिपमूलक तालिमलाई प्राथमिकता दिदै बारिष्ता तालिम मार्फत २५ जना युवाले सिप सिकेर आत्मनिर्भर बन्न सहयोग पुग्ने विश्वास व्यक्त गर्नुभयो । “युवालाई सिप सिकाएर आत्मनिर्भर बनाउने हाम्रो मुख्य लक्ष्य हो,” उहाँले भन्नुभयो, “स्थानीय सरकारले युवाको क्षमता विकास गर्ने र उनीहरूलाई आफ्नै ठाउँमा रोजगारी तथा व्यवसाय गर्ने वातावरण सिर्जना गर्ने दिशामा काम गरिरहेका छौ ।”

कार्यक्रममा नगर उपप्रमुख शिवप्रसाद दाहालले युवालाई व्यवहारिक सिप प्रदान गर्ने उद्देश्यले बारिष्ता तालिमसँगै बेकरी आइटम तथा नेपाली खानाका विभिन्न परिकार बनाउन सिकाउने तालिम पनि छिट्टै सञ्चालन गर्न लागिएको जानकारी दिनुभयो । “सिप सिके लगत्तै रोजगारीमा जोडिन तथा आफैले व्यावसाय सुरु गर्न सक्ने बनाउन लागिएको छ ।” उपप्रमुख दाहालले भन्नुभयो “तालिमबाट युवाले व्यवसायिक सीप हासिल गरी स्वरोजगारतर्फ अघि बढ्न सक्ने विश्वास गरिएको छ ।”


युवालाई व्यवहारिक र बजारमा उपयोगी हुने सिप प्रदान गर्नुपर्छ भन्ने मान्यताका साथ नगरपालिकाले विभिन्न तालिम सञ्चालनको लागी योजनाबद्ध रुपमा कार्ययोजना बनाएको छ । युवाले सिकेको सिपलाई व्यवसायमा रूपान्तरण गरी आयआर्जन गर्न सकुन् भन्ने उद्देश्य सहित नगरले आफ्नै योजना बनाउने देखि उनीहरुसगैँ सल्लाह र परामर्श लिएर युवालाई सिप र उद्यमसंग जोड्न लागिरहेको छ ।

नगरपालिकाका प्रमुख प्रशासकीय अधिकृत नेत्रप्रसाद घिमिरेले युवाको आवश्यकता र सुझावलाई ध्यानमा राखेर स्थानीय सरकारले योजना निर्माण गरिरहेको जानकारी दिनुभयो । युवासँग सल्लाह र परामर्श गर्दै उनीहरूको भावना र आवश्यकताअनुसार कार्यक्रम तथा योजना तय गर्ने प्रयास भइरहेको उहाँले बताउनुभयो ।

“स्थानीय सरकार सञ्चालन गर्दा युवा पुस्ताको सहभागिता र सुझावलाई विशेष महत्व दिइएको छ,” प्रमुख प्रशासकीय अधिकृत नेत्रप्रसाद घिमिरेले भन्नुभयो, “युवालाई सिप, रोजगारी र उद्यमशीलतासँग जोड्ने गरी कार्यक्रम केन्द्रित गरिएको छ ।”

नगरपालिकाले नयाँ उद्यमीको निर्माण गर्ने, स्वरोजगारका अवसर बढाउने तथा वैदेशिक रोजगारमा जाने युवालाई पनि सहज वातावरण निर्माण गरी आर्थिक उपार्जनमा सहयोग पु-याउने उद्देश्यका साथ आगामी दिनमा थप विभिन्न कार्यक्रम सञ्चालन गर्ने जनाएको छ ।

युवालाई सिपमूलक तालिममार्फत सक्षम र आत्मनिर्भर बनाउँदै स्थानीयस्तरमै रोजगारी सिर्जना गर्ने लक्ष्यका साथ नगरपालिका अघि बढिरहेको छ ।

Kakani Khabar add

सम्बन्धित खबर

SEE परीक्षाको नतिजा कमजोर आएपछि तारकेश्वरका अध्यक्षबाट सातबुँदे निर्देशन

नुवाकोट । शैक्षिक सुधारका लागि विभिन्न प्रयास भइरहेका बेला यस वर्षको SEE परीक्षाको नतिजा अपेक्षाअनुसार आउन नसकेपछि नुवाकोटको तारकेश्वर गाउँपालिकाले विद्यालयहरूको शैक्षिक अवस्था सुधार गर्न सक्रियता बढाएको छ ।


गाउँपालिका अध्यक्ष तथा...

रोल्पाको थवाङमा जीप दुर्घटना हुँदा १७ जनाको मृत्यु

काठमाडौँ । रोल्पाको थवाङस्थित जलजलामा जिप दुर्घटना हुँदा १७ जनाको मृत्यु भएको छ ।


रुकुम पूर्वबाट जलजलामा मेला भर्न गएका यात्रुहरू चढेको लु१ज ४१६७ नम्बरको जीप रोल्पाको थवाङ गाउँपालिका–१ को जलजला जाने बाटोमा दुर्घटना हुँदा १७ जन...

विपदमा प्रयोग गर्न २ वटा हेलिकप्टर तयारी अवस्थामा राखिने

काठमार्डौँ । गृहमन्त्री सुधन गुरुङले विपदमा प्रयोग गर्न दुई वटा हेलिकप्टर तयारी अवस्थामा राखिने बताउनुभएको छ । सशस्त्र प्रहरी बल नेपाल प्रधान कार्यालयमा आज भएको छलफलमा गृहमन्त्री गुरुङले विपदमा परेका नागरिकको तत्कालै उद्धार गर्न दुई वटा हेलिकप्टर...

नयाँ शैक्षिकसत्रका लागि पाठ्यपुस्तक विद्यालयमा पुर्‍याइँदै

काठमाडौँ । आउँदो वैशाख २ गतेदेखि शुरू हुने नयाँ शैक्षिकसत्रका लागि जनक शिक्षा सामग्री केन्द्रमा छपाइ भएका पाठ्यपुस्तक देशका विभिन्न भागमा धमाधम पुर्‍याउने काम भइरहेको छ । केन्द्रले यही चैत १६ गतेदेखि पाठ्यपुस्तक वितरण शुरू गरेकोमा पाँच दिनमा २५ ला...

वृद्धभत्ता वितरणसँगै स्वास्थ्य सेवा: तारकेश्वरमा ‘अध्यक्षसँग ज्येष्ठ नागरिक कार्यक्रम’ सुरु हुँदै

नुवाकोट । तारकेश्वर गाउँपालिकाले वैशाख ७ गते सोमबारदेखि ११ गते शुक्रबारसम्म सबै वडामा सामाजिक सुरक्षा भत्ता (वृद्धभत्ता) वितरणसँगै निःशुल्क स्वास्थ्य परीक्षण, औषधी वितरण र स्वास्थ्य परामर्श सेवा प्रदान गर्ने भएको छ ।


‘गाउँपालिका अ...

तारकेश्वरका शैक्षिक सँस्था आइतबार पनि खुल्ने, बैशाख २ देखि विद्यालय सुचारु हुने

नुवाकोट । तारकेश्वर गाउँपालिकामा रहेका शैक्षिक सँस्थाहरु आइतबार पनि पूर्ववत रुपमा सञ्चालन हुने भएको छ ।

तारकेश्वर गाउँपालिका अध्यक्ष तथा गाउँ शिक्षा समिति संयोजक शिव अधिकारी (अविरल)ले गाउँपालिकाभित्रका शैक्षिक संस्थाहरूलाई आज चार बुँदे निर्द...